WIN-ZIM HOLDS THIRD ONLINE LECTURE
Writer Tinashe Muchuri reading from his manuscript
‘Chibarabada’ at a literary function some years ago before it was published
In the evening of March 6, 2019, the ever-growing Winzim Superclassic
Whatsapp group held its third Online Lecture facilitated by Tinashe Muchuri, an
actor, poet, storyteller, journalist, editor and novelist.
WIN executive member and published Christian author Stella Chegovo
chaired the whole session which was dedicated to the late great Zimbabwean
writer Dr. Charles Mungoshi. Although the session did not involve any specific analysis
of his works or life, WIN simply felt it necessary to assure Mungoshi, who’s now
gone, that the seed he sowed at BWAZ is still growing.
Muchuri’s topic “Shona Novel Writing Skills” aimed at equipping the
budding and intermediate authors with some basic skills and knowledge they need
in their career. The question-and-answer lecture opened more space for identifying the
chief challenges the authors faced when writing a novel in their mother
language.
And Muchuri, nicknamed ‘Chibarabada’ after his Shona novel, generously
addressed each author’s question with sound answers. To do justice to the
lecture which was conducted in our mother language, we publish below snippets, edited
for clarity, from the wonderful moment Muchuri shared with the authors:
Lazarus Sauti: Maswera sei VaMuchuri. Ndingadawo kuziva musiyano uripo
panyayapfupi nenovheru. Munhu kana achinyora nyayapfupi, ndezvipi
zvaanotarisirwa kuita kuti nyaya yake ibude zvakanaka?
Brighton Simbarashe Chiguma: Makadini VaMuchuri. Ini
ndinokumbira kubvunza kuti nyaya dzinematingindira api dzatinganyora mumanovel dzinoita
kuti mbongorori dziti iri ibhuku rinokodzera kupiwa menduru kana
kudzidzwa nerudzi rwunotevera?
Tinashe Muchuri:
Nyaya pfupi inyaya iyo yakanangana nezvirikutoitika panguva iyoyo uye
haivhundunyuri nhoroondo yevatambi. Kana kune
nhoroondo yevatambi yakananga kutsigira chiitiko chirikuitika ichi chatakatarisana
nacho. Novero inyaya inotora nguva refu, makore, gore uye
vatambi vanovandudzwa zvekutosvika pakuziva upenzi, upengo, ungwaru,
hudhakwa nezvimwe zvizhinji. Tsvakurudzo kutanga. Mutauro wevatambi.Kubata
mutauro wevatambi. Kushandisa hurukuro nenzira inotendeseka. Hapana
mukana wekutenderera uchidonongodza mamirire ekunze asi kunangana nenyaya.
Tinowana vatambi vatova munyaya nechekare. Nyaya yakahadzisa moyo wako, nyaya
yadzimba moyo wako, nyaya yabata moyo wako, ndiyo nyaya
inobata mbongorori sekubata kwainenge yakuita iwewe. Iyoyo ndiyo nyaya ine udzamu.
Vamwe vanogona kumanya nenyaya yerudo, dzeutikitivha, asi kune
mamwe madingindira anenge achitambudza vanhu
akaita sekushamwaridzana kwevadiki mumukore uno wemukondombera, ko
chinamato chekubudirira neminana, ko mhuri mumukore wekupatsanuka kwemhuri,
wanano mumukore wekurambana kwadai kutandira.Uye chikuru kugona kuvhunza muvhunzo.
Usanetseka nekudaira muvhunzo wacho. Iwe vhunza muvhunzo, kuti
vaunovhunza muvhunzo naivowo vagozvivhunza muvhunzo. Ukadaro unosvika. Kana uri munyori, usamira kurava manovhero avamwe.Izvi zvinovandudza manzwisisiro aunoita novhero.
Tendai Chinhoro: Mazuvano
kune mabhuku ari kunyorwa achinzi ‘Season 1’, ‘Season 2’, ‘Season 3’, zvichidaro...
Mubhuku imomo unozowana kuti mune mabhuku 3 kana
4. Zvii zvamungataure vaMuchuri panyaya yekupedza kana kuti kupendera nyaya yako.
Tinashe Muchuri:
Mabhuku iwayo anenge achiunzwa muzvikamu zvinoreva kuti Season 1 chidimbu chebhuku.
Nyaya inopendereka ndokunge iyo yabvuma kuramba ichitatamurwa. Handiti wakamboona
kuti kuChirungu vanopatsanura bhuku rimwe richinzi bhuku 1 kana kutosvika kubhuku
3.
Asi zvakadero,
novhero iyoyo ichiwana mupendero wakaisvonaka. Hondo
hombe ndeye vanyori vanoti zvavanyora ndizvo chero vatsveyamisa mafambiro enyaya.
Tendai Chinhoro: Vazhinji
vari kuzorasa nyaya yavo nenyaya dzema season idzi! Kunenge kwakubuda dzimwe nyaya dzisinganangi paupenyu hwa
main character.
Tinashe Muchuri: Kana nyaya yako ichifamba munguva yekuoma kwehupfumi, hondo,
nzara, maguta , pane zvinhu zvechokwadi zvisingadi kufurudzira. Ziva kuti
nhovhero yako hutori hwaro hwenhoroondo. Iyo novhero inofanira kuva nehochekoche
kubva kumavambo kusvika kumagumo. Pakashaiwa hochekoche wanzvenga
nyaya, novhero yako inoita mbodza.
Tendai Chinhoro:
If I want to write about a political leader, is it advisable to include his/her
pre-independence life and his/her post-independence life in Zimbabwe in one
story?
Tinashe Muchuri:
Kana uine tsika imwe yausinganzwisisi, tsvagurudza kusvika wawana chokwadi
kuitira kuti usava munyepi. Hanzi naDr Charles Mungoshi zvaunonzwa iwe
chaizvo zvinoita kuti waunorondodzera ape kutenda kuti basa rakabatwa.
Unenge uchinyora nezvenguva ipi yeupenyu hwake. Kune vakawanda vakanyora pamusoro
pake nenzira dzakasiyana, iwe unenge wakanangana nenhoroondo kana kuti
unoda kungomutora semutambi munyaya yako here?
Tendai Chinhoro: Ngatitii urikuda kubudisa ugamba hwake.
Tinashe Muchuri: Novhero inokukumbira
kuti utipe kuziva mutambi kubva achimudiki, zvaanodya, zvaaifarira ari mudiki,
vaaitamba nawo, zvaaifarira kuita. Unogona kubvira pakubarwa,
achitambirwa nananyamukuta kusvika paunoda kusvikanenyaya yako.
Beaven Tapureta: Dambudziko redzokororo yema
"themes" ringapedzwe sei? Unoona vanyori vashanu vachinyora chinhu
chimwe - for example, witchcraft?
Tendai Chinhoro:
Or kunetsana kwavamwene nemuroora.
Tinashe Muchuri:Kurava manovhero avamwe zvinokupa muono wokuti usiye
nyaya yakatsokotedzwa. Zvakadero unogona kunangana nerimwe divi rehuroyi,
mhando yehuroyi isati yabatwa.Ukadaro wavandudza rungano rweuroyi. Kune vazhinji vanonyorawo dzepasichigare vakanangana nenhau yekubvutirana ushe
sekunge kwaisava nerudo, kutandara mumabira nezvimwe. Kunge wauya neimwe nzira isati
yambonyorwa, unoyambuka. Munyori vandudza novhero. Nonga dingindira risati rambobatwa.
Oscar Gwiriri:
Umm VaMuchuri sei muri kuita kunge makaverenga novel rangu “Hatiponi”. Kubva
mati nemo-nemo patsanangudzo!
Tinashe Muchuri:
Handisati ndariona. Kungotaura zvinoitika mukunyora umu!
Beaven Tapureta: VaMuchuri,
sei makasarudza novel panyaya ye ‘Chibarabada’ musina kungoita short story
(nyaya pfupi)? Chii chinoita kuti munyori ade kunyora nyaya yake iri mu ‘novel’?
Tinashe Muchuri: Novhero haidi kukotsira.
Inoda
kusvunura. Kuitira hochekoche ibude zvakanaka. Chibarabada kakatanga kari
kanyaya kadiki. Zvisinei kakaramba kondidaidza kuti ndikavandudze kusvika kava
nganoyorwa Chibarabada. Zvisinei ini ndinofarira kutaura zvakatambanuka.
Nekudaro nganonyorwa inondipa kudekara nekurudunyuka pasina kutya.Vatambi
ngavaonekwe vachifamba panyika vachidya zvine munyu uye zvine shuga.Vamwe
vatambi unoshaya kuti vanobvepi vachiendepi. Tipei vatambi vanobatika. Tipei
vatambi vanorarama. Tipei vatambi vanofambisa nyaya. Kana uchida kusanganisa
vatambi zvive zvokuti, Chirungu chiri pakati pehurukuro yevatambi asi
murondedzeri wenyaya achishandisa Shona. Kana wada kumuita mu ''salad', ibva
watiumbira murondedzeri anotendeseka.
Pumulani Chipandambira: VaMuchuri, muna Chibarabada ko nei munyaya yenyu
makazara ngano, nyaya yenyu inongoerera serwizi rwuzere, rwusina
parwunombo femawo napo (chapters)… Makazviitiirei? Semuverengi, mupepeti
nemunyori, ndezvipi zvamakadzidza mukuverenga maNovhero avaMungoshi?
Greyton K Muzangaza: Chii chinonyatsotarisirwa pakunyora chikamu chokutanga
paBhuku?
Oscar Gwiriri: Munoti chii nekukwachurwa kunoitwa zvimwe zviitiko
nema publishers izvo zvinoita kuti nyaya isare yave kamudzonga?
Tinashe Muchuri: Chibarabada ndakapinda muupenyu hwemunhu mutema
weZimbabwe. Zvichida hameno makamboonawo tsamba ine zvitsauko? Ngano, nziyo
ndiko kurondodzera kwedu nyaya. Enda parufu, chinoyedzesa usiku inziyo, nyambo,
netwungano muchipembedza vatauri vadzo. Handina kusiya upenyu hwemutema. Kuna Dr
C. Mungoshi ndakadzidza kusatevera dungwe. Ndakadzidza kutsauka muzhira huru
ndichitora yangu. Ndakadzidza kukosha kwekuziva mutauro wekushandisa pakunyora.
Ndakaziva kukosha kwetsvakurudzo. Pamusoro pezvose ndakadzidza kuseka uye
kutandara navanhu vemazera ese. Ndipo patinoona vatambi vakuru vemubhuku. Uye
ndipo patinoona nhamo iri kuda kurwiswa kana muvhunzo wasakisa munyori kunyora
nyaya. Tinoona mamiriro erwendo rwatiri kupinda marwuri. Kana dziri nyaya
dzemuchikoro, kana dzinopinda muzvikoro hanzi vanoda dzinofamba dzakati tasa.
Chibarabada hanzi chinotambudza vazhinji. Vatsikisi ivavo vanokwachura-kwachura
nyaya vari kuuraya kuvandudzwa kwenganonyorwa kana novhero yeChiShona. Zvimwe
zvinobva nekusavandudzika kwevapepeti nekuti havasi vose vapepeti vanofarira
kuvandudzika kwekunyora novhero.
Michelle: Kune mhando dzema novhero here?
Tinashe Muchuri: Dziriyo. Kune mhando yetsamba, koita mhando yerumbo rune
korasi zvokuti mukafamba nenyaya munoona madzorwa kukorasi. Kune mhando
yenhoroondo. Kohoita mhando yerungano mupfungwa, iyi inenge iri kudya
kwepfungwa uye ichitambwa mupfungwa.
Tendai Chinhoro: Asi zvese izvi (monologue, letter, dreams etc.) zvinogona
kuwanikwa mubhuku rimwechete here? KuAmerica hanzi munyori ukasakwanisa kupindura
kuti genre rako nderipi (or ma genre ako) vanogona kutadza kukunzwisisa,
ichokwadi here?
Tinashe Muchuri: Chaizvo. "Imbwa Yemunhu" (rakanyorwa na Ignatius Mabasa)
ihope zvayo asi zvinobuda ipapo mutakunanzva mananzvisa munwe chaiwo.
Prosper Njeke: Ko nyaya pfupi inofanira kuva nemazwi mangani?
Tinashe Muchuri: Kubvira pamutsara wemazwi matanhatu, zvichienda
kusiyana nekuti wada irebe zvakadii. Asi hazvo vamwe vanoti kubvira pamazwi
500.
Prosper Njeke: Ndatenda. Ndedzipi mhosho dzamunosangana nadzo pakupepeta
mabhuku evanyori vachiri kukura dzavanofanira kuchenjerera?
Tinashe Muchuri: Kukanyanisa vatambi. Vatambi vanopiwa mazita asingaperi
zvinodzungaidza muverengi, vanyori vanonyora nezvetsika dzavasingazivi
vachinyepa. Kusanganisa zvirevo, kuva nenyaya isina hochekoche. Izvi zvimwe
zvacho. Kunzvengana netsika namagariro. Kunyora munhu asina kuita tsvakurudzo...
Oscar Gwiriri: VaMuchuri sei zvichiita sekuti vanyori vatsva tinoita
setinorwisana nevanyori vekare, uye tichifunga kuti tinobirirwa zvinyorwa
zvedu. Izvi zvinovanzobuda pamisangano yevanyori. Dambudziko riri papi?
Tinashe Muchuri: Kutori kushaya zivo. Kufunga kuti iwe wakapenga iwe usina,
hauna angakupanga mazano. Izvozvi ndizvo zvinopa kufungira zvisina basa.
Kufungira kubirwa. Wozogona kuona kuti anoba hapana kana wagarisana navo
vachikuveza. Ini ndakavezwa navazhinji. Ndakavezwa naMungoshi, Chirere, Mabasa,
Nyathi, Chinodya, Zimunya, Dangarembga, handingavapedzi kudoma na mazita avo.
Ndakasangana nevanyori vakasiyana-siyana kusvika ndive pano. Nanhasi ndiri
kuvezwa. Handisati ndasvika ipo.
Comfort Tichamupei Nyandoro: Vazhinji vanoona iri competition yevanyori vekare neveikozvino
asi kwandiri ndinoona sekuti vadiki tinodzidza zvakawanda mukubatidzana navakuru
ndokusaka makaona vaimbi vakuru savana Tuku vaibatana nevechidiki
vanosanganisira Tockie, Garry Tight, Ex Q, nevamwe. It doesn't have to be a
competition but kubatsirana. I personally believe
in learning from vanyori vekare ivavo. Pane zvishoma zvandinoziva semunyori asi ndakabatsirwa nevanyori vekare ivava.
Tinashe Muchuri: Kutaura
nyaya hakuna makwikwi. Kutambidzana. Ini ndikataura kusvika kurwizi, iwe wosimudzira
kuenda kugomo, kumapako nekuninga.
No comments:
Post a Comment